По повод големиот православен празник Петровден, село Мешеишта и оваа година ќе биде домаќин на еден од најреномираните и најатрактивни турнири во мал фудбал во земјава. Ова издание е јубилејно 50-то, а организаторите најавуваат досега невидено спортско случување, достојно на ваков значаен јубилеј.
Награден фонд над 500.000 денари – рекорден!
Турнирот оваа година ќе понуди вкупен награден фонд од над 500.000 денари, што го прави еден од најбогатите аматерски турнири во Македонија. За најдобрите четири екипи се предвидени следните парични награди:
Прво место: 300.000 денари
Второ место: 120.000 денари
Трето место: 60.000 денари
Четврто место: 20.000 денари
Пријавување до 14 јуни 2025 година, котизацијата за учество изнесува 5.000 денари, а распоредот на групите ќе се изврши на 15 јуни. Контакт за пријавување: 071/359-575.
Интересот за учество е огромен!
Како и секоја година, интересот за учество на турнирот е на највисоко ниво. Се очекува силна конкуренција, полни трибини и вистинска фудбалска магија под светлата на теренот во Мешеишта. Турнирот е познат по беспрекорната организација, фер-плеј атмосферата и љубовта кон спортот која се чувствува на секој чекор.
Спортска Мрежа – Медиумски поддржувач на турнирот
Нашиот портал Спортска Мрежа со гордост го поддржува овој турнир медиумски веќе неколку години. Ќе бидеме присутни и оваа година со извештаи, фотографии, видеа и интервјуа, директно од теренот, со цел да го донесеме духот на Петровденскиот турнир поблиску до сите љубители на фудбалот.
Доколку сакате да бидете дел од најголемата фудбалска приказна на летото – пријавете ја вашата екипа навреме и подгответе се за незаборавна борба на теренот!
