Денеска спортската сала „Наум Наумовски – Борче“ во Скопје ќе биде центарот на вниманието за љубителите на македонската кошарка. Ќе се одиграат двата завршни натпревари од сезоната во Втората кошаркарска лига на Македонија – мечот за третото место и големото финале.
Од 17:30 часот ќе започне натпреварот за третото место помеѓу Соколи и МЗТ Скопје Уни Банка. Соколи беа елиминирани во полуфиналето по драматична серија со Ангели (2-1), додека МЗТ Уни Банка немаше одговор за тимот на Маџари и загуби со 2-0.
Големото финале е закажано за 20:00 часот, каде што силите ќе ги одмерат двете екипи кои обезбедија пласман во Првата кошаркарска лига – Маџари и Ангели. За Маџари ова ќе биде историски момент, бидејќи првпат ќе заиграат во елитното натпреварување, додека Ангели се враќаат во најсилната конкуренција по неколкугодишна пауза.
