На Градскиот стадион во Гостивар дебитантот Беса се соочи со повратникот Пелистер во меч каде битолчани беа подобри со 2:3 и забележаа огромна победа, а во рамки на 6. коло на Првата македонска фудбалска лига. Вилдан Керим во 9. минута погоди за 0:1, а Ивановски за 0:2 во 27. минута. Во вториот дел Селмани погоди за 1:2, а потоа Катаниќ погоди за 1:3. Во финишот на мечот Селмани со втор гол ги постави конечните 2:3.
Работничи по елиминацијата во првото коло од Купот на Македонија од третолигашот Шкендија Арачиново денес на домашен терен против Брера одигра 1:1. Ристовски погоди за Брера во 26. минута, а Белица во 74. минута погоди за 1:1. Од 52. минута струмичани беа со играч помалку на теренот, откако Руатубјаје заработи црвен картон.
Шкендија на домашен терен се соочи со Воска Спорт од Охрид каде некогашниот шампион од Тетово беше подобар со 5:1. Бесарт Ибраими беше двоен стрелец, а по еден гол постигнаа Крстевски, Адеми и Адили, за гостинот од Охрид погоди Јахја.
Екипата на Силекс во Кратово го пречека непоразениот Гостивар кој од Кратово си оди со три бода откако славеше со 1:2. Огузхан погоди за 0:1 на полувреме, а во вториот дел Зука погоди за 0:2. Во финишот на мечот најдобриот стрелец на Силекс, Марко Ѓорѓиевски погоди за конечните 1:2
Дербито на колото се играше покрај Охридското Езеро каде шампионот Струга Трим Лум беше декласиран од Шкупи со 0:3. Радич си постигна автотол за 0:1, а потоа Фабрице со два гола ги постави конечните 0:3 со што шампионот доживеа тежок пораз на домашен терен.
Дерби се играше и во Кавадарци каде освојувачот на Купот, Тиквеш, играше против Вардар во меч каде голот на Закариќ го реши победникот за минимална победа од 0:1 за Вардар.
