Детонит Плачковица ја забележа првата победа на домашен терен во новата сезона, откако со минимални 1:0 со голот на Стефан Бабунски славеше над екс прволигашот Скопје.
По натпреварот изјава за Спортска Мрежа даде тренерот на радовишни, штипскиот стратег Горан Здравков, кој вели дека за нив ова е важна победа, додава дека е задоволен од играта на играчите, но посочува дека не е задоволен од реализацијата.
„Важна победа за нас, психолошки тежок натпревар, задоволен сум од играта на играчите, но не и од реализацијата. Креиравме седум до осум стопроцентни шанси за гол мора да постигнуваме повеќе голови. Честитки до играчите за желбата за победа и карактерот кој го покажаа. Благодарност до публиката за поддршката која ни ја даваше во текот на целиот натпревар“, изјава Здравков за Спортска Мрежа.
Веќе в среда се играат натпреварите од 4. коло во вонреден термин, а Детонит Плачковица оди во Кочани каде ќе гостува кај Осогово, кој денес извлече голем бод на тешкото гостување кај Брегалница (1:1)
Александар Ванев, М-Нет
