По подолг период, на градскиот стадион „Петар Милошевски“ во Битола повторно ќе се гледа прволигашки женски фудбал. Недела, со почеток од 16:00 часот, на градскиот стадион во Битола ќе се одигра натпревар од 25. коло на Првата женска фудбалска лига помеѓу екипите на Топ Гол и Истатов.
Публиката во Битола ќе има можност да проследи интересен дуел во квалитетен амбиент, што ќе биде дополнителен мотив и за фудбалерките да дадат максимум на теренот.
Главен судија на мечот ќе биде Драган Стевановски од Велес, негови помошници ќе бидат Ангела Домазетовска од Битола и Славче Шоповски од Велес. Контролор на натпреварот ќе биде Илчо Јорданоски од Прилеп.
