Во недела ќе се одиграат натпреварите од последното, 30. коло во Втората македонска фудбалска лига, а веќе се познати и делегирањата на судиите кои ќе ја делат правдата во овие решавачки дуели.
Најголемото внимание го привлекува дербито меѓу Брегалница и Башкими, директен дуел за третото место и пласман во баражот за Прва лига. Главен судија на овој натпревар во Штип ќе биде искусниот Фатмир Бафто од Охрид.
Во Неготино, каде Арсими ќе брка историја и директен пласман во Првата лига против Вардар Неготино, судијата Благојче Ралевски од Битола ќе ја има главната улога.
Шампионот Македонија ЃП, кој веќе обезбеди промоција, ќе го пречека тимот на Беласица на домашен терен, а средбата ќе ја води Марјан Стојановски од Кичево. „Лавовите“ ќе имаат можност со победа да го подигнат шампионскиот трофеј пред својата публика.
Во Велес, Борец ќе го пречека тимот на Охрид, а натпреварот ќе го суди Дејан Младеноски од Скопје. Во Радовиш, Детонит Плачковица ќе се соочи со Победа, каде делител на правдата ќе биде Јордан Јовановски од Гевгелија.
Во Гевгелија, Кожуф ќе го пречека тимот на Новаци, а судиска должност ќе има Кирил Смоквоски од Прилеп. Во Автокоманда, Скопје ќе ја пречека Каменица Саса, меч на кој ќе суди Александар Василевски од Скопје. Во Кочани, пак, Осогово ќе ги одмери силите со Вардарски, под водство на Сашко Ристов од Струмица.
Сите натпревари од последното коло ќе започнат во 17:00 часот, а љубителите на фудбалот низ земјава очекуваат возбудлив финиш на сезоната, со многу емоции, драма и борба за секој бод.
- ДЕЛЕГИРАНИ СУДИИ 30. КОЛО ВТОРА ЛИГА:
Вардар Неготино – Арсими, Благојче Ралевски (Битола)
Македонија ЃП – Беласица, Марјан Стојановски (Кичево)
Борец – Охрид, Дејан Младеновски (Скопје)
Брегалница – Башкими, Фатмир Бафто (Охрид)
Детонит Плачковица – Победа, Јордан Јовановски (Гевгелија)
Кожуф – Новаци, Кирил Смоквоски (Прилеп)
Скопје – Каменица Саса, Александар Василевски (Скопје)
Осогово – Вардарски, Сашко Ристов (Струмица)
