Последното, 18. коло од Трета лига – Исток можеби донесе и гол на сезоната. На натпреварот одигран во Дојран, меѓу Дојранско Езеро и Ударник од Пирава, беа постигнати вкупно седум гола за триумф на домаќинот од 5:2.
Но, натпреварот го одбележаа двата гола на гостинот, особено ремек-делата на Крсте Тодоров. Со голот од слободен удар, 37-годишниот фудбалер може сериозно да конкурира за најубав погодок во сезоната.
Тодоров од слободен удар постигна епски гол – мајсторски и прецизно ја смести топката во мрежата на Дојранско Езеро, а домашниот голман Александар Ѓониќ не реагираше.
Погодокот беше постигнат во 83. минута, со што Тодоров ги постави конечните 5:2.
Но и првиот негов гол, постигнат во 8. минута за израмнување од 1:1, исто така беше вистинско ремек-дело.
- ПОГЛЕДНЕТЕ ГИ ДВАТА ГОЛА НА КРСТЕ ТОДОРОВ ПРОТИВ ДОЈРАНСКО ЕЗЕРО:
Крстев е искусен фудбалер со голема и богата кариера, а низ истата има настапувано за Кожуф, Тетекс, Тиверија, Силекс, Хоризонт Турново и Беласица.
