Шампионот во Трета лига – Југ, екипата на Големо Коњари денес на свој терен одигра пријателски меч со второлигашот Победа, а кој го доби со високи 6:2.
Екипата на Големо Коњари овој викенд ќе го одигра последниот меч од Трета лига – Југ, а потоа ќе се подготвува за баражот за Втора лига. Пријателскиот натпревар со Победа е само контролка пред клучното, а тоа баражот како последна пречка со цел Големо Коњари да се пласира во Втората лига.
Двојни стрелци за екипата на Големо Коњари беа Беким Алимоски и Онур Имероски, а по еден гол постигнаа Ерџан Ибраимоски и Борче Сркески.
Во последното 26. коло на Трета лига – Југ екипата на Големо Коњари ќе гостува кај Дреново, а потоа ќе следува големо славје за шампионската титула.
Веќе се познати сите патници за баражите за Втора лига, тоа се екипите на Големо Коњари (Трета лига – Југ), Тетекс (Трета лига – Запад), Преспа (Трета лига – Југозапад), Шкендија Арачиново (Трета лига – Север), Слога Виница (Трета лига – Исток) и Осогово како второлигаш кој ќе се бори за опстанок.
Екипата на Победа која обезбеди директен опстанок во последното 30. коло ќе игра против Детонит Плачковица во Радовиш.
