Се ближи крајот на сезоната во Втората футсал лига, а битката за Прва лига ја продолжуваат Мал Ајакс, Балкан и Овче Поле.
Екипата на Балкан со 7:6 го доби тимот на СЕЕ Университи на домашен терен, во меч каде за домашниот тим двоен стрелец беше Игор Барџовски, хет-трик постигна Имер Ќамил, а по еден гол постигнаа Енис Реџеп и Пајтим Реџепи.
За гостинот од Тетово три гола постигна Зеќирија Османи, по еден гол Берат Саиди и Флорим Асани, додепа пак Матеј Папазов си постигна автогол.
Каршиака со 3:12 на убедлив начин го доби тимот на Карадаку, кој минатата сезона испадна од Прва лига. За домашниот тим Шукрија посигна два гола, а еден гол постигна Иљзи. За гостинот Садики постигна шест гола, Ќани погоди трипати, Мемеди двапати, а Ибраими беше стрелец на еден гол.
Трите бодови останаа во Брвеница откако тимот на Партизан Југ со 18:7 го декласираше Конзули од Битола.
Марко Спироски постигна седум гола, искусниот Даниел Радески постигна пет погодоци, Синиша Симјаноски погоди трипати, а по еднаш Марко Стојковски, Михаил Спасовски и Тео Симњановски. За гостинската екипа Горан Јакопетревски погоди двапати, како и Лука Ѓорески, а по еден гол постигнаа Петар Илиоски, Игор Скепаровски и Кристиан Симиќ.
Трите бодови остана откако Кораб со 11:8 го доби тимот на ССК Скопје. Елезоски постигна четири гола за победничкиот тим, Беќири, Блажевски и Мерсовски погодија по два гола, а еден гол даде Маќелара. За гостинот Здравески беше стрелец на три гола, двојни стрелци беа Ѓировски и Сулејмани, а пак Димковски постигна еден гол.
Мал Ајакс игра футсал како ракомет и со 22:5 ја декласираше прилепска Победа, а интересно е тоа што од тие 22 гола Иса Дурмишов постигна 17 гола и со тоа е најдобар стрелец во Втората футсал лига. Фантастична бројка на постигнати погодоци, бидејќи ретко кога и ракометар постигнува толку погодоци.
Двоен стрелец за штипјани беше Давид Тошев, а по еден гол постигнаа Андреј Трајанов и Седат Мамудов. За гостинот од Прилеп стрелци беа Спироски и Здравески со по два гола, а Трајкоски погоди еднаш.
