Ракометниот клуб Борец кој е поранешен шампион на Македонија во 1995 година, пред стартот на новата сезона во Првата ракометна лига се откажа од натпреварување.
Велешката ракометна гордост години наназад имаше финансиски проблеми, последните сезони одвај собирачи ракометари, но се одржуваше во живот со активно играње. За жал Борец го нема на ракометната карта и одлучи на ден пред почеток на новата сезона да се одјави од ракометна Македонија.
Борец беше во ждрепката и требаше да настапува во групата А на Првата ракометна лига, а неиграњето на Борец сега прави во секое коло во групата А да има дури по две слободни екипи.
Новата сезона наместо 18 ќе ја започнат 17 екипи, а како што кажавме погоре групата А наместо девет екипи ќе брои осум екипи, а откако претхдоно веќе беше извлечена ждрепката и со тоа имаше по една екипа слободна, сега поради откажување на Борец се јавува уште една „дупка“ во колата, па така ќе има по две слободни екипи.
Голем проблем за екипите не само во ракометот и во останатите спортови е доснењето на ваучери преку кои воглавно повеќето клубови се потпираа и финансираа, доколку за брзо време не се реализираат ваучерите не е исклучена и други клубови не само во ракометот, туку и во другите спортови да се откажа од натпреварување.
Борец во сезона 2018/2019 заврши на последното место во плеј-аутот без бодови и испадна од Суперлигата во Првата лига, во сезона во која Борец одвај ја доигра сезоната. До лани Борец се натпреваруваше во Првата лига и беше последен, а од оваа сезона нема да го гледаме повеќе Борец.
Велешани не можат да го прифатат фактот што градот останува без симбилот во ракометот, но со надеж дека Борец кој е основан во 1950 година ќе се врати и одново ќе биде тоа што беше во минатото.
Велес во новата сезона ќе гледа Суперлига, откако Бисинов Ф. обезбеди место во елитата, а Борец заминува во историјата.
