Повеќекратниот македонски и двократен европски шампион Вардар сосема очекувано славеше во СРЦ “25 Мај” во рамки на 3. коло на Суперлигата над повратникот Радовиш со резултат од 16:29.
Вардар дојде како голем фаворит, а играше со половина сила, но со претплазливост после играта на Радовиш со Алкалоид во претходното коло кога во Автокоманда имаше предност на полувреме
Мечот тргна со добрите интервенции на голманот Костадиновски ја спушташе кога најмногу требаше, а при водство на Радовиш од 2:1. Во 11. минута од мечот Гоце Георгиевски заработи повреда и беше изнесен од теренот на клупата за резерви во раце, што сигнализираше за сериозноста на повредата.
Резултатот беше тесен и се играше гол за гол кога Ашраф од пенал погоди за плус два на Вардар односно 5:7 во 14. минута.
Веднаш во следниот напад Радовиш доби напад, а Постолов беше сигурен за 6:7.
Костадиновски го држеше Радовиш со одличните интервенции, но во тие моменти фалеше реализација кај домашниот тим кој можеше да дојде до плус два, наместо минис еден.
Во првиот дел од мечот се повреди Гоце Георгиевски, кој на раце беше изнесен на клупата за резерви, а потоа на раце на полувреме до соблекувална, по што вториот дел го проследи седнат на столче покрај еден од дуелите кој води кон соблекувалните.
Во 20. минута Радовиш повика тајм-аут при 6:9 за противникот.
Во 27. минута од мечот Вардар дојде до плус четири за 9:13. На полувреме резултатот беше 11:15, плус четири за Вардар.
Во вториот дел Вардар тргна со гол и по пет минути игра резултатот беше 12:18 со гол на Крсманчиќ, а во следниот напад Постолов реализираше за 13:18.
Вардар во вториот дел беше подобар и дојде и до плус седум при 14:21 со што вардарци започнаа да градат сериозна предност кон целта за освојување на целиот “плен” во СРЦ “25 Мај”.
Во продолжение од мечот Вардар ја зголемуваше предноста и во 22. минута имаше 16:25.
Во последните десеттина минута шанса кај Радовиш добија и помладите играчи и играчи со помала минутажа, а конечниот исход беше 16:29.
Ашраф Маргели кај Вардар беше најдобар со 14 погодоци, а кај Радовиш најдобар беше Здравко Постолов со седум реализации.
Радовишани имаа тежок распоред на стартор од сезоната, но тоа за нив е предност бидејќи ги поминаа тешките мечеви, добија на време за дополнително воигрување пред мечевите на кои тие ќе треба да одат по трите бодови на секој од нив.
