Борбата за титулата најдобар стрелец во Втората футсал лига на Македонија влегува во завршна фаза. Четири кола пред крајот, трката е максимално возбудлива и неизвесна!
На врвот и понатаму е Ибрахим Алији од екипата на Балкан со неверојатни 53 постигнати голови. Но, зад него демне Иса Дурмишов од штипски Мал Ајакс, кој има 50 гола и сериозно му се заканува на лидерот.
Овие двајца футсалери ќе водат директна битка за круната во последните натпревари, каде секој погодок може да биде пресуден.
Во борбата за Топ 5 се вклучени и Октај Беќири од Кораб и Ѓорѓи Султанов од Овче Поле со по 32 гола, како и Дарко Блажески од Кораб (Дебар) со 27 погодоци.
Очекувајте неизвесен финиш и многу голови – футсал трката за најдобар стрелец продолжува со полна сила!
