Навивачката група „Фантоми“ од Гевгелија денес ќе се собира на градскиот стадион во 16:30 часот, а притоа излегоа и со соопштение после вчерашниот срамен меч кој го одигра нивниот миленик Кожуф против Башкими, од 28. коло на Втора лига.
Како што наведуваат во соопштението како навивачка група бараат итен состанок и одговорност.
„Одговорност! Клуб кој постои 1век да јаде ваков срам нема да дозволиме! Како навивачка група бараме итен состанок и одговорност! Никој нема да биде поштеден! Клуб за кој сме се бореле во општински лиги, сме јаделе куп казни, притисоци, закани и слично! Секогаш сме биле победници ќе бидеме и сега! Ќе се избориме до крај! Кожуф ова не го заслужи! Време е клубот да дојде во наши раце! Тишина пред бура! За сите постапки на групата ќе бидете навремено известени!“, велат од навивачката група „Фантоми“.
Нивниот прв собир е веќе денес на градскиот стадион во Гевгелија.
