Денес се играа полуфиналните натпревари од Купот на Македонија во женска конкуренција.
Во Струмица од 15:00 часот се среќаваат екипите на Тиверија Брера и Скопје, додека второто полуфинале е закажано за 16:00 часот во Македонска Каменица, каде Каменица Саса ќе ја пречека екипата на Љуботен.
Фудбалската федерација на Македонија ги делегираше и официјалните лица за двете средби. Натпреварот во Струмица ќе го суди Боби Величков од Велес, а ќе му помагаат Ангела Домазетовска од Битола и Роберт Црвенов од Велес. Контролор на оваа средба е Сашо Иванов, исто така од Велес.
На мечот во Македонска Каменица правдата ќе ја дели Доне Ристовски од Гевгелија, а негови помошници ќе бидат Елена Соклевска Илиевски и Тамара Цветановиќ од Скопје. Контролор е Петре Илиоски од Прилеп.
Очекуваме квалитетни натпревари и неизвесна борба за пласман во финалето на Купот.
