Дербито на 26. коло во Втората лига во Штип заврши без победник и без погодоци (0:0) меѓу Брегалница и Македонија ЃП.
Шанси и можности за погодок имаа и двете страни, но истите не ги реализираа, па на крајот мораа да се задоволат со поделба на бодовите, иако овој резултат повеќе му одговара на тимот од Ѓорче, кој и натаму останува на врвот од табелата. Од друга страна, Брегалница е таа што ќе носи притисок во последните четири кола ако сака директен влез во Првата лига.
Реми без погодоци (0:0) и во Радовиш, каде се соочија Детонит Плачковица и Арсими. Ваквиот резултат му одговара на Арсими, кој имаше тешко гостување, особено затоа што ремизираа Македонија ЃП и Брегалница, а Башкими загуби во Кочани.
Владимир Жоглев е во одлична форма и во 69. минута постигна гол за победа на Осогово од 1:0 над Башкими на домашен терен.
Реми без погодоци (0:0) се одигра и во Македонска Каменица, каде бодовите ги поделија Каменица Саса и Новаци, додека пак на минимален триумф се радуваше Победа, која со 0:1 славеше над „фенерџијата“ Вардарски во Богданци. Стрелец на победничкиот гол за прилепчани беше Филип Димоски во 90. минута.
Кирил Неделков е херојот на Вардар Неготино, откако со гол во 91. минута обезбеди победа за својот тим од минимални 1:0 над Борец, со што велешани веќе ги пакуваат куферите за експресно враќање во Третата лига.
Охрид ги собра трите бодови во Автокоманда, откако со 1:2 го победи Скопје. Оливер Дишлиевски во 30. минута постигна гол за 0:1 на полувреме. Во вториот дел, Скопје веднаш израмни на 1:1 преку Леон Селими во 47. минута, но во 70. минута Наумче Бакрачевски ги постави конечните 1:2.
Реми со по еден гол (1:1) и поделба на бодовите е исходот во Гевгелија меѓу Кожуф и Беласица.
Домашниот тим, преку искусниот голгетер Сашо Дуков, дојде до водство од 1:0 на полувреме откако погоди во 33. минута, но пред крајот на првиот дел Александар Богданоски ги постави конечните 1:1. Во 87. минута, Огнен Здравковски заработи втор жолт картон и беше исклучен од игра.
- ЦЕЛА ТАБЕЛА ВО ВТОРА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК МАКЕДОНИЈА Ѓ.П 1932 АД | 26 | 17 | 6 | 3 | 43 | 8 | +35 | 57 |
| 2 | АД ФК Башкими 1947 Куманово | 26 | 17 | 5 | 4 | 45 | 18 | +27 | 56 |
| 3 | ФК АРЕСИМИ-1973 | 26 | 17 | 4 | 5 | 45 | 21 | +24 | 55 |
| 4 | ФК БРЕГАЛНИЦА 2008 АД | 26 | 15 | 7 | 4 | 35 | 20 | +15 | 52 |
| 5 | ФК БЕЛАСИЦА АД | 26 | 10 | 9 | 7 | 33 | 26 | +7 | 39 |
| 6 | ГФК ОХРИД ЛИХНИДОС | 26 | 11 | 6 | 9 | 32 | 32 | 0 | 39 |
| 7 | ФК ДЕТОНИТ ПЛАЧКОВИЦА | 26 | 8 | 13 | 5 | 31 | 22 | +9 | 37 |
| 8 | ФК СКОПЈЕ АД | 26 | 8 | 10 | 8 | 28 | 25 | +3 | 34 |
| 9 | ФК КОЖУФ ГЕВГЕЛИЈА | 26 | 7 | 12 | 7 | 24 | 22 | +2 | 33 |
| 10 | ФК КАМЕНИЦА САСА | 26 | 9 | 6 | 11 | 37 | 38 | -1 | 33 |
| 11 | ФК ПОБЕДА АД | 26 | 8 | 6 | 12 | 25 | 30 | -5 | 30 |
| 12 | ГФК ВАРДАР Неготино | 26 | 9 | 3 | 14 | 29 | 43 | -14 | 30 |
| 13 | ЗФК НОВАЦИ 2005 | 26 | 7 | 8 | 11 | 23 | 29 | -6 | 29 |
| 14 | ГФК ОСОГОВО | 26 | 5 | 7 | 14 | 23 | 43 | -20 | 22 |
| 15 | ФК БОРЕЦ 1919 АД | 26 | 3 | 4 | 19 | 15 | 45 | -30 | 13 |
| 16 | ФК ВАРДАРСКИ | 26 | 3 | 2 | 21 | 20 | 66 | -46 | 11 |
