По 20 одиграни натпревари во Третата македонска фудбалска лига – Запад, трката за најдобар стрелец станува сè поинтересна. На врвот на листата се наоѓа Хузри Џемаили од Дрита (Боговиње) со 19 постигнати голови, но конкуренцијата не заостанува многу.
Со еден гол помалку, Арлинд Берзати од Камјани е втор со 18 погодоци, додека третата позиција ја држи напаѓачот на лидерот Тетекс, Ментор Саљиу, кој досега се има запишано 17 пати во листата на стрелци.
Во чекор ги следат Ерјон Елмази од Тетекс и Бетим Етеми од Доброшти со по 14 погодоци, а веднаш зад нив е Албулен Имери од Влазерими со 13.
До крајот на сезоната не очекува вистинска драма – секој гол може да биде пресуден за тоа кој ќе ја понесе титулата најдобар стрелец во лигата.
