Женската репрезентација на Македонија до 16 години од денес па до следниот петок (18 април) учествува на УЕФА меѓународниот развоен турнир што се одржува во Албанија.
На првиот натпревар Македонија предводена од селекторот Катерина Милеска беше подобра преку пенал-рулетот од Бугарија, откако во регуларниот дел резултатот беше 1:1.
Голот на македонската репрезентација го постигна Ана Марија Цветкоска од белата точка во 80. минута, а во пенал серијата Македонија беше подобра од Бугарија со 4:2.
Македонија беше подобра на теренот и можеше да го добие мечот и во регуларниот дел, откако нашите фудбалерките не реализираа пет до шест зицери, а Бугарките од единствениот шут го постигнаа голот.
Следниот натпревар за Македонија ќе биде против Грузија во вторник, а ќе играме и со домаќинот Албанија.
