Младиот фудбалер на Победа од Прилеп, Димитар Шаркоски, доби повик во македонската репрезентација до 19 години. Селекторот Ерхан Селими му укажа доверба на 17-годишниот талент поради неговите одлични настапи во дресот на прилепскиот второлигаш.
Македонската селекција до 19 години ќе одигра два контролни натпревара против Словачка, на 15 и 17 април, на терените на Фудбалската федерација на Македонија во Скопје.
Собирот на репрезентацијата е закажан за 14 април (понеделник) во 11:00 часот, во хотел Парк во Скопје. Шаркоски ќе и се приклучи на Победа повторно на 18 април, по завршувањето на репрезентативните обврски.
