Со три натпревари вчера беше отворено 19. коло на Трета лига – Север, каде Пчиња однесе висока и сигурна победа од 3:0 над Башкими Љуботен и со тоа се одлепи од долниот дел на табелата.
Марио Благојевски беше стрелец на два гола, а вториот гол на мечот беше дело на Христијан Стојчевски, инаку сите три погодоци беа постигнати во првиот дел од мечот.
Њу Старс дојде до важна победа од 2:1 над Беса Слупчане и со тоа тимот на Њу Старс ја продолжува трката за опстанок во Трета лига – Север.
Марко Киш во 35. минута и Никола Силјановски во 44. минута погодија за домашниот тим за 2:0 на полувреме. Во второто полувреме поточно во 90. минута Ридван Исмаиљи беше стрелец на гол за конечни 2:1.
Аеродром забележа победа над екипата на Фортуна со резултат од 3:1 на домашен терен и тоа победа преку пресврт. Агрон Буши во 11. минута постигна гол за 0:1, а само една минута подоцна Дамјан Антевски беше стрелец за 1:1 со нов еврогол.
Пред крајот на првиот дел од натпреварот кој се играше во Ново Лисиче, Леонид Филиповски постигна гол за 2:1 и пресврт во првите 45 минути. Во вториот дел гостинот сакаше гол за израмнување, но во 90. минута Андреј Алексоски ги постави конечните 3:1 со што трите бодови останаа дома. Вториот и третиот гол за Аеродром беа по асистенција на Дамјан Антевски.
Денес ќе се комплетира колото со останатите натпревари. Куманово дома игра со Кадино, Шкендија Арачиново против Еуромилк ГЛ, БВК Коњаре против Риниа, а пак Академија Илиден го пречекува Ржаничино.
