Брегалница „загиба“ на „Цвај арената“ – Вардар Неготино го слави Шишков, Арсими е во страшна форма, Башкими со „петарда“!

Брегалница е се подалеку од директен влез во Првата лига, откако денес загуби на „Цвај арената“ со минимални 1:0 од Вардар Неготино, а во рамки на 24. коло на Втората лига.

„Сините“ одиграа лош натпревар, особено во првиот дел кога се виде дека „Цвај арената“ ќе се покаже како тежок терен за Брегалница да дојде до три бодови. Во вториот дел Вардар Неготино влезе многу мотивиран и поддршката од публиката во моменти му даде крила на тимот на Горан Тодорче кој преку Ѓорѓи Шишков во 71. минута постигна гол за 1:0.

Ваквиот резултат беше шок за Брегалница, се виде незадоволството кај стручниот штаб, имаше обиди за Брегалница, откако претходно Вардар Неготино имаше два зицери, а потоа „сините“ имаа одлична можност но голмнанот на Вардар Неготино имаше одлична интервенција.

Победата во Неготино се прослави, но Брегалница се врати два чекори назад, па штипјани и следна сезона ќе гледаат одново Втора лига како тргнало.

Осогово и Беласица ги поделија бодовите откако одиграа 0:0, а „нула“ одиграа Новаци и Победа, но „нула“ имаше и во Гевгелија каде Кожуф и лидерот Македонија ЃП ремизираа и ги поделија бодовите.

Детонит Плачковица конечно дојде до победа од 2:0 на домашен терен против Борец со погодоците на Давид Дебрешлиоски во 5. минута и Дамјан Масевски во 68. минута.

„Петарда“ пукна во Македонска Каменица откако Башкими со 0:5 ја декласираше Саса во меч на тотална доминација на тимот од Куманово. Филип Алексовски беше двоен стрелец за гостинот, а по еден гол постигнаа најдобриот стрелец на Башкими, Хусеин Демири, Емир Асани и Борјан Пановски.

Изненадување се случи во Богданци откако „фенерџијата“ Вардарски со 3:0 го „тресна“ Охрид. Илија Баламов во 17. минута погоди за 1:0 на полувреме. Во второто полувреме Марко Софијановски зголеми на 2:0, а конечите 3:0 ги постави Ѓеорге Карамитров.

• ЦЕЛА ТАБЕЛА ВО ВТОРА ЛИГА: