Се одиграа двата одложени натпревари во Дебар и Демир Хисар од 14. коло на Трета лига – Југозапад, а кој требаше да се одиграа минатиот викенд, но поради снегот, истите беа одиграни во четвртокот.
Преспа од Ресен забележа победа од 0:2 над Кораб во Дебар и со тоа лидерот во Трета лига – Југозапад забележа огромна и важна победа на патот кон баражот за можен влез во Втора лига.
Пеце Наумовски во 41. минута погоди за 0:1 на полувреме и минимална предност Преспа по првите 45 минути. Во вториот дел Никола Угриноски беше прецизен во 57. минута за конечни 0:2.
Аце Јанкуловски во 93. минута ја расплата Сатеска од Волино, откако Демир Хисар ремизираше против фаворитот играјќи 2:2.
По осум минути игра домаќинот дојде до 1:0 преку Оливер Јанкуловски, а во 21. минута Даниел Цветаноски постигна гол за 1:1.
Стартот од вториот дел донесе брз гол на искусниот голгетер Никола Секулоски за 1:2 и резултат кој тимот од Волино го имаше се до 93. минута кога Аце Јанкуловски постигна гол за поделба на бодовите.
Ваквиот резултат не му оди во прилог на тимот од Волино, бидејќи сега има шест бодови негатива во однос на Преспа. Лидерот од Ресен има 34 бодови, а пак Сатеска има 28 бодови, колк што има и Кораб кој е трет, но тимот од Дебар има меч повеќе.
