Денес со натпреварот меѓу Каменица Саса и Ас Јунајтед ќе се отвори 19. коло на Првата женска фудбалска лига, а овој меч наместо во Македонска Каменица ќе се игра во Делчево со почеток од 16:30 часот.
Останатите три меча се играат утре со почеток од 16 часот. Познати се и судиите кои ќе ја делат правдата на натпреварите од оваа рунда во женската фудбалска елита.
Димитар Левески од Охрид ќе им суди на фаворитот Љуботен и Атлетико, меч кој се игра во Тетово. Ангела Рајчевска од Скопје ќе им суди на фаворитот Тиверија Брера и Топ Гол во Струмица, а пак Вјолца Изеири од Гостивар ќе биде задолжена да им суди на Скопје и Речица.
Натпреварот кој се игра денес меѓу Каменица Саса и Ас Јунајтед, каде „рударките“ се апсолутни фаворити ќе го суди Драган Стевановски од Велес.
Во рамки на оваа рунда слободна ќе биде екипата на СЦ Истатов.
- ДЕЛЕГИРАНИ СУДИИ 19. КОЛО ПРВА ЖЕНСКА ФУДБАЛСКА ЛИГА:
Љуботен – Атлетико, Димитар Левески (Охрид)
Тиверија Брера – Топ Гол, Ангела Рајчевска (Скопје)
Каменица Саса – Ас Јунајтед, Драган Стевановски (Велес)
Скопје – Речица, Вјолца Изеири (Гостивар)
