Женската тениска репрезентација на Македонија доживеа пораз од селекцијата на Египет во натпреварот од Били Џин Кинг купот, откако нашите претставнички загубија во двата сингл-меча.
Магдалена Стоилковска беше поразена од Хана Хосам Салах со 2-1 во сетови (6-0, 3-6, 0-6), иако успеа да израмни по водството на Египќанката.
Во вториот сингл-меч, Лина Ѓорческа започна одлично и го освои првиот сет против Ламис Абдел Азис со 6-3. Сепак, при резултат 4-1 во вториот сет во корист на Египќанката, Ѓорческа мораше да го предаде мечот поради повреда.
Македонија сѐ уште има можност да освои еден поен во дуелите со Египет, и тоа во мечот во двојки, каде што настапуваат Јана Божиновска и Ана Митевска.
По натпреварот со Египет, македонскиот тим ќе се соочи со второпласираната селекција од групата Б, по што ќе биде познат и конечниот пласман во втората Евро-африканска зона.
Виолета Јанчева, Спортска Мрежа
