Вечерва ќе биде одигран вториот полуфинале меч од футсал Купот на Македонија, каде ќе се соочат Јувентус Серава и Осогово од Крива Паланка, победникот од овој полуфинален меч ќе патува во големото финале каде ќе се соочи со бранителот Форца.
Повеќе од јасно е дека вечерва ќе гледаме неизвесен натпревар каде нијанси ќе одлучуваа кој ќе патува во големото финале, а мечот е закажан за во 19 часот.
Судиска тројка е Дејан Младеновски како прв судија, Никола Костенчев како втор судија и Марјан Младеновски како трет судија, сите тројца од Скопје. Делегат на натпреварот е Томислав Шескокалов од Тетово, а пак Петар Мантев од Неготино ќе биде контролор.
Инаку, како што веќе објави Спортска Мрежа, Форца немаше мака и со 2:7 го доби второлигашот Балкан во полуфиналето и така стигна во големото финале, каде ќе го чека подобриот од вечерашниот дуел меѓу Јувентус Серава и Осогово, против кого ќе ја брани Куп титулата, а Форца сака двојна титула, откако веќе ја обезбеди титулата во првенството.
