Фудбалскиот клуб Нови Таленти од Струмица продолжува да ги гради своите успеси, како на домашен така и на меѓународен план. По низа забележителни остварувања, школата официјално доби покана од еден од најголемите фудбалски гиганти во Германија – Борусија Дортмунд. Ова значајно признание за струмичкиот ќе се оствари во периодот од 28 до 31 март оваа година.
Во текот на престојот, младите фудбалери на Нови Таленти ќе имаат уникатна можност да тренираат и да одиграат пријателски натпревари со талентираните играчи на селекцијата на Борусија Дортмунд. Дополнително, тие ќе бидат во прв ред за да го следат возбудливиот натпревар помеѓу Борусија Дортмунд и Мајнц, што ќе биде искуство за паметење за младите фудбалери.
Но, тоа не е крај на меѓународните авантури на ФК Нови Таленти. Од 7 до 12 јуни, струмичани ќе учествува на голем турнир во Франкфурт, Германија. Ова е уште една можност да се покаже квалитетот и талентот на младите фудбалери на меѓународната сцена.
Овие важни настани претставуваат голем успех за ФК Нови Таленти и ја потврдуваат нивната посветеност кон развојот на младите фудбалери. Од сите нас, најискрени желби за успех на децата и во текот на овие меѓународни настани – да ги претстават најдобрите свои способности и да продолжат да се истакнуваат во светот на фудбалот.
