Утре со натпреварот меѓу Преспа и Светлост кој се игра во Ресен ќе започне новата сезона во Третата македонска фудбалска лига – Југозапад, а првото коло ќе се комплетира в недела со останатите натпревари.
Веќе се познати и судиите кои ќе ја делат правдата на натпреварите од првото воведно коло. Во Дебар главен судија ќе биде Александар Марковски кој ќе им суди на шампионот Кораби кој не го помина баражот и Демир Хисар, Ѓорѓи Лаброски ќе им суди на Преспа и Светлост, мечот кој се игра веќе утре, Никола Стрезоски ќе им суди на Сатеска и Света Троица 2021.
Главен судија во Струга ќе биде Анѓеле Спироски, кој ќе им суди на ланскиот второлигаш Караорман и Влазними, Дени Лековски ќе им суди на Евротип и Кравари, а пак Борче Цветковски ќе биде задолжен за правдата на мечот меѓу Велешта Унитед и Славеј од Мешеишта.
Сите натпревари ќе започнат во 16 часот.
- ДЕЛЕГИРАНИ СУДИИ 1. КОЛО ТРЕТА ЛИГА – ЈУГОЗАПАД:
Кораби – Демир Хисар, Александар Мартиновски (Охрид)
Преспа – Светлост, Ѓорѓи Лаброски (Струга)
Сатеска – Света Троица 2021, Никола Стрезоски (Охрид)
Караорман – Влазними, Анѓеле Спироски (Струга)
Евротип – Кравари, Дени Лековски (Битола)
Велешта Унитед – Славеј, Борче Цветковски (Битола)
