Второлигашот Билјанини Извори од Охрид за вториот дел од сезоната во Втората женска фудбалска лига се засили со Никола Стојановска, која ќе биде новиот чувар на голот. Се работи за 21-годишна фудбалерка која во Билјанини Извори пристигна од редовите на Шкендија од Тетово, а претходно беше дел од Каменица Саса од каде и ја започна својата кариера.
Стојанвоска треба да биде вистинско освежување за тимот на Билјанини Извори, но и да ја донесе сигурност и стабилност на голот на охридскиот тим, кој во пролетниот дел заедно со Вардар ќе води борба за освојување на второто место кое води кон баражот за можен пласман во Прва лига.
Претходно, Билјанини Извори ја промовираше Драгана Гегова, Марија Бојкова, Викторија Стојановска и Ева Андонова.
Пролетната полусезона Билјанини Извори ја отвара со гостување кај лидерот Кочани на гостински терен.
