Третолигашите на Истокот покренуваат иницијатива за недоделување на субвенциите и помош за екипата од Третата македонска фудбалска лига.
Како што се вели во самата иницијатива, истата се потикнува во врска со неодамна искажаниот став на министерот за спорт, Борко Ристовски, за недоделувањето на субвенциите за третолигашите.
„Како што знаете, беше кажано дека воопшто нема да има помош за третолигашите, што значи и за сите нас, што е на некој начин дискриминативен однос (а да не зборуваме за споредбата дали сме биле ние социјални или земјоделски категории). Во комуникација со некои од претставниците на третолигашките клубови од Третата фудбалска лига Исток, сметаме дека треба да се спротивставиме на ваквото минимизирање и негирање на значењето на третолигашкиот фудбал, а тоа секако ќе има некаков ефект само ако се организираме и настапиме заеднички“, се вели во еден дел од иницијативата.
Како што дознаваме клубовите на Истокот веќе се во меѓусебен контакт и се договара за изготвување на заедничко соопштение кое ќе биде потврдено со потписи и печати од клубовите, а се разговара и за одржување на средба со претставници од сите клубови.
Останува да видиме како ќе се одвива целата ситуација околу оваа иницијатива и каков ќе биде исходот од истата.
