Охридскиот клуб Света Троица 2021 за пролетниот дел од сезоната во Трета лига – Југозапад промовираше уште две зимски засилување.
Се работи за Христијан Балоски и Хадис Сулејмани, откако вчера како што информираше Спортска Мрежа клубот се засили и со Леонид Џајкоски.
22-годишниот Балоски пристина од редовите на скопски Кул Здравје, каде настапуваше и Џајкоски. Во својата кариера Балоски настапуваше и за Слатино, Сатеска од Волино, струшки Караорман, ОХрид, Македонија ЃП и Новаци.
Сулејмани, кој има 20 години доаѓа од Јанг Тим, а претходно беше дел од младинските погони на Охрид и Воска Спорт.
Пролетниот дел екипата на Света Троица 2021 го отвара на домашен терен против Сатеска од Волино.
