Вечерва жителите на Пробиштип ќе имаат можност да проследат натпревар од Втората футсал лига на Македонија, екипата на Кратово вечерва наместо во Градската сала во Кратово ќе игра во спортската сала „Софија Петровска“ против битолски Конзули.
Ваквата промена доаѓа поради санацијата на Градската сала во Кратово, па од таа причина Кратово „се сели“ во Пробиштип за вечерашниот натпревар против битолскиот тим кој ќе започне во 18:30 часот.
Пробиштип нема екипа во футсал, а со оглед на тоа што ФК Рудар се откажа од учество во Трета лига – Исток, а ќе игра во Општинска лига во Пробиштип, за која нема најави кога ќе започне и кога ќе можат жителите на овој град да следат фудбал, вечерашниот меч им е можност да погледнат футсал натпревар од 11. коло на Втората футсал лига на Македонија.
