Прволигашите Беса од Добри Дол и шампионот Струга Трим Лум ја одиграа „генералката“ како последен пријателски меч за проверка на формата пред стартот на пролетниот дел од сезоната.
Тимот на Беса предводен од Горазд Михаилов беше подобар на овој пријателски меч со резултат од минимални 1:0. Шефит Шефити во 18. минута беше единствениот стрелец на мечот.
Беса во пролетниот дел ќе води борба за опстанок во Првата лига, а полусезоната ја отвара против Воска Спорт во Охрид, додека пак Струга отвара против Гостивар во дерби каде и двете екипи сакаат титула и излез во Европа.
