Брегалница одигра пријателски натпревар на Градскиот стадион во Штип со бугарскиот тим Вихрен од Сандански, каде беа постигнати четири погодоци за конечни 2:2.
За екипата на Трајче Сенев стрелци беа Томовски во 72. минута од мечот и Хаџи-Кимов кој погоди 90. минута од натпреварот, кој заврши без победник.
Брегалница е на второто место во Втората лига и сака да го сочува тоа место, а притоа и да го напаѓа првото место, целта е експресно враќање во Првата лига. Пролетниот дел Брегалница го отвара во Прилеп, против Победа, тоа ќе биде дерби дуел на два екс прволигаши, со тоа што Победа, сега е далеку од тоа што некогаш беше како фудбалски бренд.
