Второлигашот Новаци одигра нов пријателски меч кој го доби со убедливи 4:0 против третолигашот Евротип. Екипата на Дарко Крстески до убедлив триумф дојде со двата гола на Благој Стојчев, а по еден гол постигнаа Бојан Стефановски и Бобан Здравевски.
Новаци имаше солидна есенска полусезона и во пролетниот дел ќе атакува на рано обезбедување на опстанокот и мирна завршница од сезоната. Пролетниот дел го отвара против Детонит Плачковица на домашен терен.
- ДЕЛ ОД АТМОСФЕРАТА НА ПРИЈАТЕЛСКИ НАТПРЕВАР МЕЃУ НОВАЦИ И ЕВРОТИП:
Евротип се натпреварува во Трета лига – Југозапад, презимува на петтото место на табелата со 16 бодови, а пролетниот дел го отвара со дерби против Кравари.
