Од второлигашот Вардар Неготино преку соопштение информираат дека за измената на статутот и донесување на правилник за работа на ГФК Вардар Неготино ќе биде вклучена и пошироката јавност.
„Деновиве во јавноста излезе соопштение од одредени граѓани, кои немаат никаква функција во ГФК Вардар Неготино, дека на ден 03.02.2025 Понеделник во 18.00 часот ќе се одржи годишно собрание на ГФК Вардар Неготино. Во врска со ова ја известуваме јавноста дека утре ќе се одржи јавна расправа за формирање работна група во врска со измена и дополнување на досегашниот статут на ГФК Вардар Неготино. После одржаниот состанок на ден 28.01.2025 со Градоначалникот и Советниците донесени се заклучоци дека за измена на статут и донесување на правилник за работата на ГФК Вардар Неготино да биде вклучена и пошироката јавност на ден 03.02.2025 Понеделник со почеток во 18.00 часот во Општинската сала на Општина Неготино“, се вели во клупското соопштение.
Вардар Неготино пролетниот дел од Втората лига го отвара на домашен терен против Осогово од Кочани, меч кој доколку го добие Вардар Неготино ќе направи голем исчекор кон рано обезбедување на директен опстанок.
