Вечерва ракометарите на Охрид на пријателски меч го совладаа Прилеп, меч кој се одигра во спортската сала „Билјанини Извори“ во Охрид, а кој заврши со резултат од 34:24.
Првиот дел од средбата заврши со предност за охридските „гладијатори“ од плус пет односно резултатот на семафорот беше 19:14. Одлично издание на ракометари на Охрид, каде неколку ракометари одмараа на трибините, а шанса имаа и другите ракометари на кои може да смета стратегот Алушевски.
Веќе утре Охрид ќе одигра уште еден пријателски меч, против екипата на Куманово, исто така во охридската спортска сала „Билјанини Извори“, со почеток од 14 часот.
Охрид пролетниот дел од Суперлигата го отвара со гостување во Велес против дебитантот во ракометната елита на Македонија, екипата на Бисинов, во меч каде „гладијаторите“ на Стевче Алушевски ќе бидат фаворити за победа.
Сања Секулоска, Спортска Мрежа
