Голема победа за Илинден над БВК Коњаре, Аеродром славеше над Ржаничино, три бода за Марино

Илиден со убедлива победа од 5:0 го доби БВК Коњаре во меч каде домаќинот имаше убедливо славје, натпревар кој требаше да биде дерби на 6. коло на Трета лига регион 1.

Дарио Десниќ и Ален Јашароски беа двојни стрелци, а еден гол постигна Филип Стојчевски.

Марино на домашен терен со 2:1 славеше над Њу Старс, каде Мухамедин Фејзула за домаќинот беше двоен стрелец, за гостинот погоди Максим Франговски.

Студеничани и Башкими Љуботен одигра 1:1 и ги поделија бодовите. Домаќинот до водство дојде во 72. минута преку Риад Кадри, а потоа во 77. минута Шуајб Алити си постигна автогол за 1:1.

Ако го поддржувате независното известување и промоцијата на македонскиот спорт, можете да ја поддржите нашата работа со симболична донација. Секоја поддршка ни значи и ни помага да создаваме нови спортски приказни.

Беса од Сарај и Фортуна одиграа 2:2 и ги поделија бодовите, за домаќинот погодија Фуркан Саити и Муртезан Незири, а за гостинот Шуајб Рамани и Агон Исмаили.

Аеродром со головите на Фуад Керими славеше со 2:0 над Ржаничино.

Со овие натпревари се комплетира колото кое се отвори вчера.