Фудбалската школа на Детонит Плачковица од Радовиш продолжува да вложува во унапредување на стручниот кадар и развојот на младите фудбалери. Клубот информираше дека нивниот тренер Благој Гегов изминатата недела учествувал на тренерски семинар за стекнување со UEFA C лиценца, при што успешно го поминал првиот модул од едукацијата.
Од клубот истакнуваат дека по завршувањето на вториот модул, Гегов ќе се стекне со лиценца за работа со младински фудбалски категории. Овој чекор претставува значаен дел од неговото тренерско усовршување и дополнително вложување во квалитетот на работата со младите фудбалери.
Стекнувањето нови знаења и тренерски квалификации е важно за унапредување на фудбалската школа и создавање подобри услови за развој на младите фудбалски надежи.
Од Детонит Плачковица му посакаа многу успех на Гегов во продолжението на едукацијата, со желба новостекнатите знаења и искуства да придонесат за понатамошниот развој на младите категории во клубот.
„Градиме фудбалери, градиме иднина“ е пораката со која радовишкиот клуб ја нагласува својата посветеност на младите и на иднината на фудбалот.
