Брегалница утре во вечерен термин на Градскиот стадион во Штип ќе го пречека Башкими, кој во градот под Исарот доаѓа во многу лоша форма со три порази од толку натпревари.
Сепак, младиот Благој Хаџи-Кимов вели дека ова е Прва лига и дека нема слаби противници, нема потценување и опуштање против никој.
„Се подготвуваме максимално сериозно за секој натпревар и следен предизвик. Ова е прва лига, нема слаби противници, нема потценување и опуштање против никој. Хемијата во екипата е на највисоко ниво, целиот фокус е петок и натпреварот против Башкими на домашен терен. Вечерниот термин под „Исарот“ и пред нашата верна публика за нас е само мотив плус за добра игра и нови три бода“, вели младиот Благој Хаџи-Кимов.
Натпреварот меѓу Брегалница и Башкими се игра утре од 19 часот.
