Прволигашот Струга Трим Лум продолжува со засилувањето на тимот, а најново име во составот е 20-годишниот Даниел Акинлосоту од Нигерија.
Станува збор за офанзивен фудбалер кој најчесто настапува на десната крилна позиција, но може да одговори и на задачите во нападот. Неговата поливалентност во офанзивниот дел од теренот се очекува да биде дополнителен квалитет за тимот.
Акинлосоту во Струга Трим Лум пристигнува како млад и перспективен фудбалер, а во струшкиот клуб ќе има можност да го покаже својот потенцијал и да се наметне во составот.
Со неговиот ангажман, Струга Трим Лум продолжува да го комплетира ростерот и да создава тим кој ќе биде конкурентен во сезоната што следува.
