Искусниот Драган Паунов по вторпат во кариерата ќе го носи дресот на Каменица Саса, а главната цел на двете страни во новата сезона ќе биде експресно враќање во елитата.
Паунов во Каменица Саса доаѓа од второлигашот Осогово од Кочани, неговото искуство ќе биде клучно во остварувањето на амбициите на тимот од малото рударско гратче.
35-годишниот фудбалер ја имаше првата изјава за Спортска Мрежа, каде вели дека атмосферата е одлична, има одлична хемија и другарство, надополнува дека нивната цела е враќање во Втора лига, а како најсериозен конкурент го гледа Овче Поле, иако нагласи дека има и други сериозни екипи.
„Да, Овче Поле е најсериозниот наш кандидат за првото место, но секако има и други екипи кои се сериозни. Атмосферата е одлична има хемија, другарство, се очекуваат уште засилување и со тоа мислам дека ќе го имаме потребниот квалитет. Јас се враќам по вторпат во Каменица Саса и доаѓам во добро позната средина. Амбициите на Каменица Саса се враќање во Втора лига. Јас со моето долгогодишно искуство и знаење сум тука да придонесам за остварување на амбициите на клубот“, изјави Паунов во ексклузивна изјава за Спортска Мрежа.
Како што и претходно објави Спортска Мрежа ростерот на Каменица Саса не е затворен и се водат преговори за уште неколку искусни засилување, за што потврдува и самиот Паунов.
