КК Работнички АД Скопје го промовираше Тарик Брунчевиќ како ново засилување за сезоната. Искусниот крилен центар, кој може да покрива повеќе позиции под обрачите, пристигнува со богато меѓународно искуство.
Брунчевиќ во досегашната кариера настапувал во Србија, Романија, Словенија, Русија и Франција, а со своите 206 сантиметри треба да донесе дополнителна физичка сила и стабилност во рекетот.
Особено успешна беше неговата сезона 2024/25 во словенечки Шентјур, каде што просечно постигнувал 15 поени, 6 скока и 1,8 асистенции по натпревар, потврдувајќи се како еден од клучните играчи на тимот.
Со ангажманот на Брунчевиќ, Работнички добива искусен играч кој може да придонесе и во одбраната и во нападот, особено во скокот и играта под кошот.
Екипата предводена од Владимир Мирковски продолжува со формирањето на составот, а Брунчевиќ се очекува да има значајна улога во ротацијата на скопскиот клуб.
