МКК Куманово го официјализираше ангажманот на Алек Петкоски, кој во новата сезона ќе биде дел од составот на кумановскиот клуб.
Петкоски е роден на 16 октомври 2004 година, висок е 190 сантиметри и настапува на бековската позиција. Во досегашната кариера има настапувано за КК Маџари ГБ во Првата лига и Суперлигата на Македонија.
Новиот кошаркар на МКК Куманово претходно беше дел и од екипите на ТФТ и Феникс 2010, а има и репрезентативно искуство, со настапи за младинските селекции на Македонија.
Петкоски ќе биде уште една опција во бековската линија на кумановскиот состав во пресрет на новата сезона.
