Методи Максимов со гол се врати во Брегалница откако погоди против Арсими во високата победа од 4:0. Максимов ќе биде клучна алка за тимот во продолжението од сезоната.
Пред мечот од третото коло против Шкендија, Максимов вели дека Шкендија можеби го има најдобриот тим во лигата, дополни дека во соблекувалната на „сините“ владее одлична атмосфера.
„Шкендија е одлична екипа, го имаат можеби најдобриот тим во лигата. Јас поминав прекрасни година и половина во Тетово, за екипата можам да кажам само суперлативи, големи професионалци, тоа беше многу значаен период во мојата кариера и многу ми помогнаа за мојот интернационален трансфер. Во недела очекувам исклучително тежок натпревар, можеби мала олеснителна околност за нас е фактот дека во меѓувреме тие настапуваат во Конференциската Лига и имаат тежок натпревар против Хиберниан од Шкотска. Кај нас владее одлична атмосфера, соблекувалната ја краси единство, позитива другарство и одлична атмосфера. Тоа за нас е голем плус за секој натпревар, вклучително и овој“, изјави Максимов.
Мечот меѓу Шкендија и Брегалница се игра в недела на теренот на ФФМ во Скопје од 19 часот.
