Второлигашот Детонит Плачковица од Радовиш официјално ги промовираше новите засилувања за сезона 2026/2027 во Втората македонска фудбалска лига. Радовишани склопија квалитетен тим со кој ќе целат кон остварување на целите во новата сезона.
Дресот на Детонит Плачковица во новата сезона како што претходно ексклузивно прва објави Спортска Мрежа ќе го носат Филип Димоски, Давид Голубов, Зоран Андонов, Марио Аџиев, Махир Ајрули, Леонид Кофиловски, Асан Рифадов и Бранимир Иванов.
Димоски во Детонит Плачковица е повратник, а доаѓа од тимот на Осогово каде беше најдобра стрелец, минатата сезона тој постигна 16 гола. Низ кариерата покрај за овие две екипи настапуваше и за Победа, Охрид, 11 Октомври, Каменица Саса, Питу Гули и Вардар Неготино.
26-годишниот Андонов во Детонит Плачковица доаѓа од прволигашот Силекс, а за него ова значи враќање во Радовиш, бидејќи во минатото го носеше дресот на Детонит Плачковица. Левиот бек низ неговата кариера настапуваше и за Брегалница, Брера Струмица, Кит Го од Пехчево и Беласица, а Андонов може да игра и како лево и десно крило, што му овозможува на стратегот Горан Здравков можност за комбинации на теренот.
Струмичанецот во Првата македонска фудбалска лига забележа 60 настапи, а на кои постигна два погодоци и запиша пет асистенции.
22-годишниот Рифадов доаѓа од тимот на Шкупи, се работи за дефанзивен играч од средниот ред, кој може да игра и како лев бек. Во неговата кариера настапуваше и за Брера Струмица, Каменица Саса, Слога Виница, Гостивар и последно Шкупи. Рифадов во Првата лига забележа 26 настапи со една асистенција, а има и четири настапи во Купот на Македонија исто така со една асистенција.
Ајрули во Детонит Плачковица пристигна од тимот на Шкендија Арачиново, беше дел и од Каменица Саса, Арсими, Велазерими, Работнички и Шкупи.
20-годишниот Голубов доаѓа од прволигашот Тиквеш, потекнува од школата на Вардар, беше дел од Скопје, Кул, Каменица Саса, Охрид и Осогово, тој е младински репрезентативец на Македонија.
Аџијев во радовишкиот тим доаѓа од Каменица Саса, 20-годишниот штипјанец беше дел од Брегалница и Академија Постолов од каде и ја започна кариерата.
Иванов од Брегалница пристигна во Детонит Плачковица, беше дел и од Кит Го од Пехчево, а кариерата ја започна во Академија Постолов.
Кофиловски доаѓа од Охрид, а 21-годишниот стопер кариерата ја започна во прилепска Победа.
Новата сезона Детонит Плачковица ја отвара против Шкупи во гости.
