Екипата на Детонит Плачковица од Радовиш со победа ги заврши подготовките пред почетокот на новата сезона во Втората македонска фудбалска лига. Радовишани во денешниот последен контролен натпревар славеа минимално со 0-1 против Кожуф во Гевгелија.
Единствениот погодок на натпреварот го постигна Филип Димоски, кој беше прецизен за победа на Детонит Плочковица во генералната проверка пред првенствените предизвици.
За Дарко Крстески ова беше прв меч како тренер на Кожуф.
За двата второлигаши ова беше последен тест пред стартот на сезоната, која е закажана за 15 август.
Сега фокусот се префрла на официјалните натпревари и освојувањето на првите бодови. Детонит Плачковица сезоната ќе ја започне со гостување во Скопје кај Шкупи, додека Кожуф исто така ќе има гостински предизвик во главниот град, против Работнички.
