Второлигашот Новаци го промовираше шестото летно засилување, откако беше договорена соработка со напаѓачот Никола Талески.
21-годишниот фудбалер доаѓа од тимот на Брегалница, а прилепчанецот низ неговата кариера настапуваше за Слога Виница, Брера, Беласица и Победа. Во Првата македонска фудбалска лига има забележано осум настапи, како и четири настапи во Купот на Македонија.
Покрај Талески, Новаци се засили и со Мартин Димоски – Робен, Петар Гугуљанов, Кирил Стојков, Стефан Спировски и Андреј Сиљаноски.
Новаци веќе одигра еден пријателски меч кој го загуби од Охрид со минимални 1:0 на „Билјанини Извори“, меч кој можевте да го следите во живо на Спортска Мрежа.
