Прволигашот Тиверија Брера денес ги започна подготовките за новата сезона во Првата женска фудбалска лига. Освојувачот на Купот на Македонија денес го имаше првиот тренинг на теренот со вештачка трева во Струмица со што стратегот Славе Велков означи почеток на летните подготовки.
Овој подготвителен период како што потенцираат од струмичкиот клуб ќе биде можност и за неколку талентирани девојка од школата да се приклучат на тренинзите на сениорскиот тим.
„На овој начин сакаме да ги наградиме за нивната посветеност, труд и напорна работа, но и постепено да ги подготвуваме за чекорот кон сениорскиот фудбал. Во нашиот клуб, развојот на младите фудбалерки е приоритет, а патот од школата до првиот тим е реална можност за секоја девојка која работи посветено“, велат од ЖФК Тиверија Брера.
Минатата сезона Тиверија Брера завршија на второто место во шампионатот, а го освои Купот на Македонија, откако во финалето славеше над Каменица Саса.
