Охрид со победа ги отвори пријателските натпревари, откако на „СРЦ Билјанини Извори“ со минимални 1:0 го доби Новаци, а стрелец на единствениот победнички гол беше Дамјан Масевски, кој со погодок се врати меѓу „рибарите“.
Натпревар каде тренерите Ромео Кочоски и Иван Варадиновски им даваа шанси на сите играчи со цел да ја проверат нивната форма и вклопувањето во тимот за следната сезона.
Охрид во првиот дел креираше огромни шанси кои не успеа да ги претвори во гол, најзрелата беше преку Антонио Каланоски, кој собра „отпадок“ биеше но само покрај голот, а голманот Николче Симоноски во првиот дел беше на вистината на задачата и нижеше одлични интервенции.
- ЦЕЛИОТ НАТПРЕВАР: ОХРИД – НОВАЦИ
Во вториот дел Кочоски и Варадиновски започнаа со промени во тимот и во играа влегоа сите играчи кои беа на располагање.
Во 77. минута од средбата Дамјан Масевски успеа да испрати удар и да го совлада Давид Дранго за водство на „рибарите“, а тоа беше и конечен исход. Во вториот дел Новаци не успеа да реализира неколку шанси.
Овој натпревар можевте да го следите во живо на Спортска Мрежа со директен пренос реализира од нашата редакција со три камери и коментатор.
Во новата сезона Охрид ќе цели кон атак на позициите за Прва лига, а Новаци сака да биде изненадување во второлигашката конкуренција.
