Вечерва на турнирот во мал фудбал „Петровден“ во Мешеишта беа одиграни три мечеви, а на кои беа постигнати голем број на погодоци.
Уште на отварањето со првиот меч публиката проследи четири погодоци во убедливата победа над Нова-пор од 3:1 над Дооел Ноче, а во вториот меч екипата н БЗ Груп Струга со 0:3 славеше висока победа над Виена Комерц.
Во последниот меч на вечерва одново голем број на погодоци откако тимот на Охридски Бисер Филеви го доби составот на Аце Најдески со резултат од 1:6.
„Бисерите“ во вториот дел во целост го скршија отпорот на противникот и ја наполнија мрежата за голема победа.
Утрешната програмата нуди нови три средби. Првиот меч се игра во 20:30 часот, а се среќаваат Др. Баткоски и Киоск кај Бироно, еден час подоцна Кибо Пласт ќе го предизвикува Студио 13 од Ресен, а пак во 22:30 часот Чардак Велгошти оди на мегдан со Оровник.
Спортска Мрежа и годинава е медиумски покровител на турнирот во мал фудбал „Петровден“ кој се игра во Мешеишта.
