Новата сезона во Третата македонска фудбалска лига ќе биде во еден поинаков формат од претходно, наместо досегашните пет региони – Исток, Запад, Југозапад, Север и Југ ќе има уште еден регион за вкупно шест.
Засега во еден регион се потврдени екипите кои ќе се натпреваруваат во сезона 2026/2027, тоа е Регион 5 или Трета лига – Југозапад од минатата сезона.
Дури 14 екипи ќе бидат дел од оваа натпреварување со неколку дебитанти.
Од ОФС Битола доаѓаат најмногу екипи тоа се Крошу Спорт, Баир Спорт, Напредок од Ношпал, Кравари и Могила, од ОФС Кичево ќе бидат Напредок и Влазрими Ј, од ОФС Струга ќе бидат екипите на Караорман и Влазними, од ОФС Охрид ќе бидат екипите на Света Троица, Славеј од Мешеишта и Чардак, ОФС Демир Хисар ќе има еден тим тоа е ФК Демир Хисар, а од ОФС Ресен ќе биде ланскиот второлигаш Преспа.
Дебитанти ќе бидат Крошу Спорт, Баир Спорт и Чардак од Охрид.
Инаку, во овој регион има мали измени Кичево е префрлен во Регион 5, а од Регион 5 во регион 6 е префрлен Дебар, односно Напредок и Влазрими Ј од Кичево ќе се натпреваруваат во регион 5 или Трета лига – Југозапад, а до лани беа во Трета лига – Запад, а пак Кораб од Дебар кој до лани беше во Трета лига – Југозапад или Регион 5 од следната сезона ќе оди во Регион 6 односно тоа е ланската Трета лига – Запад.
